करोना-करोना-करोना किती
(करोना-करोना-करोना किती
आता झाले बाई अ~~ति~~~)²
(कुंठून गेली माझी मति)²
भय वाटे विचारांती
करोना-करोना-करोना किती....
प्रथम चरणी,
(प्रथम चरणी, वाटले मज)²
वेळच-वेळ बहु किती
(कामे पेंडींग घेता हाती)²
नाकी रे नऊ येती
करोना-करोना-करोना किती....
जाऊन आणली
(जाऊन आणली, खताणी माती)²
"लाऊ गं झाडं किती"
(पुसता-क्षणी येती हाती)²
"कुटा या कांद्याच्या पाती"
करोना-करोना-करोना किती....
वाचू म्हटले
(वाचू म्हटले, ज्ञानात भर)²
घेतले पुस्तक हाती
"(विसरले का ओ नाती-गोती)²
हा घ्या सेलफोन सांगाती"
करोना-करोना-करोना किती....
पाहू म्हटले
(पाहू म्हटले, जरा टीव्ही)²
घेतला रिमोट हाती
("चला उठा, हे घ्या ओ")²
आला झाडू-पोच्छा हाती
करोना-करोना-करोना किती....
आवर घातला
(आवर घातला, माझ्या मनी)²
घे ना रे 'छंदा' हाती
(विसरू नको, रे गड्या तू)²
"तू-च तुझा सांगाती"
करोना-करोना-करोना किती....
(* "कठीण-कठीण-कठीण किती" Kathin_Kathin_Kiti या मराठी गाण्याच्या (Marathi song) चालीवर वाचल्यास उत्तम)